أخبار القدس

نقل المحامي حسن عبادي عن الأسيرة المقدسية تسنيم عودة (22 عاما) أثناء زيارته لها في سجن الدامون، فوق مرتفعات جبال الكرمل المحتلة:

"الأكل بعده شحيح، زادوا شويّة رز فقط. (النحشون) كثير متوحشين؛ القفص الصدري بوجّع من ضرباتهم بالبوسطة، ووجع ظهر. عذاب البوسطة قبر متجوّل. كلبشات على الإيدين والإجرين ومغمّضة العينين، جرجروني على الدرج ووقعت عدّة مرات، وضرب بالبسطار".

أنا مؤذّنة القسم، بصلّي قيام الليل وبصحّي البنات يصلّوا. إن شالله بطلع أحسن من تسنيم قبل.

كثير بنبسط وبرتاح أشوف الأهل بالمحكمة. مزبوط شحطوني درج كامل وأنا معصّبة عيني، بس لمّا لمحت أهلي انبسطت وتروحنت. لليوم بحكي للبنات شعوري عن لمحة أهلي قبل 14 يوم.

وخلّيهم يتابعوا الجامعة ومشروع التخرّج، إنشا لله بتشوفوني محامية كيف تمنّى حياة أبوي. راضية بالحكم مهما كان، كونوا قويّين".

تسنيم عودة هي الأسيرة المقدسية الوحيدة، ولدت عام 2003، من بلدة عناتا شرق القدس، اعتُقلت في ديسمبر/كانون أول عام 2024، وكانت تدرس القانون في جامعة القدس. #القدس_البوصلة